سلمى
13-01-2008, 10:52 PM
..فجأة يرن خلوي ''أبي يحيى'' يخرجه من جيب الثوب،يطلب منّي أن أقرأ اسم المتصل فأعتذر لأنه مكتوب على الشاشة (رقم خاص)..يضغط على السماعة الخارجية ويتكلم..
أبو يحيى:- ألو.
المتصل :- شلونك يابا؟.
أبو يحيى:- الله يسلمك..مين معي ؟
المتصل:- أبوك يا لوح!.
أبو يحيى: ابوي مات من عشرين سنة!
المتصل:- ولك أنا أبوك بالعلامة: الثالولة اللي على صدري..والجورة اللي ''بسرّتي''..
أبو يحيى مندهشاً :- أبوووووي...هلا يابا..كيف صحلك تحكي معنا..!
المتصل:- اتسلبطت على تلفون من الشباب قلت اتصل فيكو!
أبو يحيى :- شو أجا عبالك يابا.
المتصل:- اطّمن عليكو يا ''طنجير''!
سمعت عندكو غلاء اسعار والبترول نار والحياة صارت صعبة...
أبو يحيى : آه والله يابا..كل شي نار..بس شو درّاك؟
المتصل: مش أبو طايل انتقل من عندكو لعندنا..اجا يسولف لنا سوالف جنان..
ابو يحيى : الله يرحمك يابا دايماً شايل همنا.
المتصل بغضب : الله يرحمكوا انتو!.
أبو يحيى:- انت الميّت يابا مش انا.
المتصل: ليش انت بتفكّر حالك عايش؟
..انت كمان الله يرحمك!
ابو يحيى:- طمنّا، انت شلونك مرتاح ؟.
المتصل: مكيّف، دفا وعفا،وراحة بال،كل شي ابّلاش، وقبري ماضي 24 ساعة.
أبو يحيى :- ليش سحبت اشتراك ؟
المتصل: لأ يا لوح، اختك صيته بتقرالي الفاتحة كل يوم.
أبو يحيى: طوّلنا عليك يابا أبصر قديش صرت دافع!
المتصل: مش مشكلة، معي خطّ ''اموات'' و الدقيقة بقرش..
أبو يحيى: بدّك اشي يابا؟
المتصل: انت اللي بدّك اشي!
ابو يحيى: سلامتك يابا!
المتصل: لدّ ولك، إذا مش عاجبيتك العيشة عندكو، عندي قبر لقطة قريب مني ومن امك وجاي على شارعين..فكّر وردّلي خبر..قبل ما يروح..
ابو يحيى: صحيح قدّيش رقمك عشان أظل أدق عليك؟.
تووووت ينقطع الخط...
أبو يحيى:- ألو.
المتصل :- شلونك يابا؟.
أبو يحيى:- الله يسلمك..مين معي ؟
المتصل:- أبوك يا لوح!.
أبو يحيى: ابوي مات من عشرين سنة!
المتصل:- ولك أنا أبوك بالعلامة: الثالولة اللي على صدري..والجورة اللي ''بسرّتي''..
أبو يحيى مندهشاً :- أبوووووي...هلا يابا..كيف صحلك تحكي معنا..!
المتصل:- اتسلبطت على تلفون من الشباب قلت اتصل فيكو!
أبو يحيى :- شو أجا عبالك يابا.
المتصل:- اطّمن عليكو يا ''طنجير''!
سمعت عندكو غلاء اسعار والبترول نار والحياة صارت صعبة...
أبو يحيى : آه والله يابا..كل شي نار..بس شو درّاك؟
المتصل: مش أبو طايل انتقل من عندكو لعندنا..اجا يسولف لنا سوالف جنان..
ابو يحيى : الله يرحمك يابا دايماً شايل همنا.
المتصل بغضب : الله يرحمكوا انتو!.
أبو يحيى:- انت الميّت يابا مش انا.
المتصل: ليش انت بتفكّر حالك عايش؟
..انت كمان الله يرحمك!
ابو يحيى:- طمنّا، انت شلونك مرتاح ؟.
المتصل: مكيّف، دفا وعفا،وراحة بال،كل شي ابّلاش، وقبري ماضي 24 ساعة.
أبو يحيى :- ليش سحبت اشتراك ؟
المتصل: لأ يا لوح، اختك صيته بتقرالي الفاتحة كل يوم.
أبو يحيى: طوّلنا عليك يابا أبصر قديش صرت دافع!
المتصل: مش مشكلة، معي خطّ ''اموات'' و الدقيقة بقرش..
أبو يحيى: بدّك اشي يابا؟
المتصل: انت اللي بدّك اشي!
ابو يحيى: سلامتك يابا!
المتصل: لدّ ولك، إذا مش عاجبيتك العيشة عندكو، عندي قبر لقطة قريب مني ومن امك وجاي على شارعين..فكّر وردّلي خبر..قبل ما يروح..
ابو يحيى: صحيح قدّيش رقمك عشان أظل أدق عليك؟.
تووووت ينقطع الخط...